ବାଂଲାଦେଶ ଓ ନେପାଳ ପରେ ଲଣ୍ଡନରେ ଭୟଙ୍କର ପରିସ୍ଥିତି

ଲଣ୍ଡନ (ସଂକେତ ଟିଭି): ବାଂଲାଦେଶ ଓ ନେପାଳରେ ଘଟିଥିବା ସରକାର ବିରୋଧୀ ବିରାଟ ପ୍ରତିବାଦ ଏବଂ ପରିବର୍ତ୍ତନର ପରିପ୍ରେକ୍ଷୀରେ ବର୍ତ୍ତମାନ ବ୍ରିଟେନର ରାଜଧାନୀ ଲଣ୍ଡନରେ ମଧ୍ୟ ଏକ ଭୟଙ୍କର ପରିସ୍ଥିତି ସୃଷ୍ଟି ହୋଇଛି। ଲକ୍ଷ ଲକ୍ଷ ଲୋକ ସରକାରୀ ନୀତିର ବିରୋଧରେ ରାସ୍ତାକୁ ଓହ୍ଲାଇଛନ୍ତି ଏବଂ ହିଂସାତ୍ମକ ଘଟଣା ଘଟିଛି, ଯାହାର ଲକ୍ଷ୍ୟ ସରକାର ପରିବର୍ତ୍ତନ କରିବା।

ସେପ୍ଟେମ୍ବର ୧୩ ତାରିଖରେ ବ୍ରିଟେନର ଇତିହାସର ସବୁଠାରୁ ବଡ଼ ପ୍ରତିବାଦ କେନ୍ଦ୍ରୀୟ ଲଣ୍ଡନରେ ଅନୁଷ୍ଠିତ ହୋଇଥିଲା। ‘ୟୁନାଇଟ୍ ଦି କିଙ୍ଗଡମ୍’ ନାମକ ଏହି ରାଲିରେ ଏକ ଲକ୍ଷରୁ ଅଧିକ ଲୋକ ଏକତ୍ରିତ ହୋଇ ସରକାର ବିରୋଧୀ ସ୍ଲୋଗାନ ଦେଇଥିଲେ ଏବଂ ପ୍ରଧାନମନ୍ତ୍ରୀ କୀର ଷ୍ଟାରମରଙ୍କୁ ଇସ୍ତଫା ଦେବାକୁ ଦାବି କରିଥିଲେ। ପ୍ରବାସନ ଏବଂ ସେନସରସିପ୍ ଭଳି ନୀତିକୁ ଲକ୍ଷ୍ୟ କରି ଏହି ପ୍ରତିବାଦ ଆୟୋଜିତ ହୋଇଥିଲା। ପ୍ରଦର୍ଶନ ସମୟରେ ହିଂସା ଘଟିବା ଫଳରେ ଅନେକ ପୁଲିସ କର୍ମଚାରୀ ଆହତ ହୋଇଥିଲେ। ଜଣାଶୁଣା କର୍ମୀ ଟମି ରବିନସନଙ୍କ ନେତୃତ୍ୱରେ ଅନୁଷ୍ଠିତ ଏହି ରାଲିରେ ଲୋକମାନେ ୟୁନିଅନ ଜ୍ୟାକ୍, ଲାଲ-ଧଳା ସେଣ୍ଟ ଜର୍ଜ କ୍ରସ୍ ଏବଂ ଆମେରିକୀୟ ଓ ଇସ୍ରାଏଲୀ ପତାକା ଧାରଣ କରିଥିଲେ।

ଏହି ଘଟଣା ନେପାଳର ସାମ୍ପ୍ରତିକ ଇତିହାସକୁ ସ୍ମରଣ କରାଇଦେଇଛି, ଯେଉଁଠାରେ ଜେନ-ଜେଡ୍ (୧୯୯୭-୨୦୧୨ ଜନ୍ମିତ ଯୁବକଯୁବତୀ) ମାନଙ୍କ ନେତୃତ୍ୱରେ ହୋଇଥିବା ତିନି ଦିନର ପ୍ରତିବାଦ ପ୍ରଧାନମନ୍ତ୍ରୀ କେପି ଶର୍ମା ଓଲିଙ୍କ ସରକାରକୁ କ୍ଷମତାଚ୍ୟୁତ କରିଥିଲା। ହିଂସାତ୍ମକ ଏହି ଆନ୍ଦୋଳନରେ ୫୦ ରୁ ଅଧିକ ଲୋକ ପ୍ରାଣ ହରାଇଥିଲେ ଏବଂ ଓଲି ଇସ୍ତଫା ପରେ ଦେଶର ପ୍ରଥମ ମହିଳା ପ୍ରଧାନମନ୍ତ୍ରୀ ଭାବେ କାର୍କୀ (୭୩) ନିଯୁକ୍ତ ହୋଇଥିଲେ।

ଏହାପୂର୍ବେ ଅଗଷ୍ଟ ୨୦୨୪ରେ ବାଂଲାଦେଶରେ ମଧ୍ୟ ଛାତ୍ରମାନଙ୍କ ନେତୃତ୍ୱରେ ବିବାଦୀୟ ସରକାରୀ ଚାକିରି କୋଟା ବ୍ୟବସ୍ଥା ବିରୋଧରେ ଆରମ୍ଭ ହୋଇଥିବା ପ୍ରତିବାଦ ଦେଶବ୍ୟାପୀ ରୂପ ନେଇଥିଲା ଏବଂ ଶେଖ ହସିନାଙ୍କ ସରକାରର ପତନ ଘଟିଥିଲା। ପ୍ରତିବାଦକାରୀ ଛାତ୍ରମାନେ ନୋବେଲ ବିଜେତା ଅର୍ଥନୀତିଜ୍ଞ ମହମ୍ମଦ ୟୁନୁସଙ୍କୁ ଏକ ମଧ୍ୟବର୍ତ୍ତୀକାଳୀନ ସରକାର ଗଠନ ପାଇଁ ଚୟନ କରିଥିଲେ, ଯେଉଁଥିରେ ସେନା ମଧ୍ୟସ୍ଥତା କରିଥିଲା।

ଏହି ସମସ୍ତ ଘଟଣା ଏକ ସୂଚନା ଦେଉଛି ଯେ ବିଶ୍ୱବ୍ୟାପୀ ଭାବରେ ସାଧାରଣ ଜନତା, ବିଶେଷକରି ଯୁବପିଢ଼ି, ସରକାରୀ ନୀତି ଓ କାର୍ଯ୍ୟପ୍ରଣାଳୀରେ ଅସନ୍ତୁଷ୍ଟ ହୋଇ ରାସ୍ତାକୁ ଓହ୍ଲାଉଛନ୍ତି ଏବଂ ସାମାଜିକ ମାଧ୍ୟମ ଏହି ଆନ୍ଦୋଳନଗୁଡିକୁ ଆହୁରି ଶକ୍ତି ପ୍ରଦାନ କରୁଛି। ସରକାରଙ୍କ ପ୍ରତି ଜନସାଧାରଣଙ୍କ ନିରାଶା ଯୋଗୁଁ ଏପରି ପ୍ରତିବାଦ ଦ୍ରୁତ ଗତିରେ ବୃଦ୍ଧି ପାଉଛି।