୩୧୯ କୋଟି ଟଙ୍କାରେ ସୁଟିଂ ହୋଇଛି ଗୋଟିଏ ସିନ୍
ନୂଆଦିଲ୍ଲୀ (ସଂକେତ ଟିଭି): ସୁପରଷ୍ଟାର ଧନୁଷଙ୍କ ଫିଲ୍ମ ‘ଦି ଗ୍ରେ ମ୍ୟାନ୍’ କ୍ରମାଗତ ଭାବରେ ଚର୍ଚ୍ଚାରେ ରହିଛି । ମାର୍ଭେଲ ଫିଲ୍ମ ‘ଆଭେଞ୍ଜର୍ସ: ଏଣ୍ଡଗେମ’ର ନିର୍ଦ୍ଦେଶନା ଦେଇଥିବା ଋଷୋ ବ୍ରଦର୍ସ ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି । ସାଉଥ ସୁରଷ୍ଟାର ଅଭିନେତା ଧନୁଷଙ୍କୁ ନେଇ ନେଟଫ୍ଲିକ୍ସର ବର୍ତ୍ତମାନ ପର୍ଯ୍ୟନ୍ତ ଏହା ସବୁଠାରୁ ମହଙ୍ଗା ଫିଲ୍ମ ବୋଲି କୁହାଯାଉଛି । ଫିଲ୍ମର ଗୋଟିଏ ସିନ୍ ପାଇଁ ୩୧୯ କୋଟି ଟଙ୍କା ଖର୍ଚ୍ଚ ହୋଇଛି ।
ସୂଚନା ଅନୁଯାୟୀ, ଏହି ଫିଲ୍ମର ନିର୍ଦ୍ଦେଶନା ଦେବା ପାଇଁ ନେଟଫ୍ଲିକ୍ସ ଋଷୋ ବ୍ରଦର୍ସଙ୍କୁ ପ୍ରାୟ ୧୬୦୦ କୋଟି ଟଙ୍କା ଦେଇଥିଲା । ନିର୍ମାତା ଏହି ଫିଲ୍ମଟିକୁ ବିଶ୍ୱର କେତେକ ସର୍ବୋତ୍ତମ ସ୍ଥାନରେ ସୁଟିଂ କରିଛନ୍ତି ଏବଂ ଏଥିରେ ବହୁ ଟଙ୍କା ସହିତ ବହୁ ପରିଶ୍ରମ ମଧ୍ୟ ହୋଇଛି । ଶୁଟିଂ ଅଭିଜ୍ଞତା ବିଷୟରେ, ଋଷୋ ବ୍ରଦର୍ସ କହିଛନ୍ତି ଯେ ଏହା ପ୍ରାୟ ଆମ ଜୀବନ ନେଇଛି । ଏହି ଫିଲ୍ମଟି ଓଟିଟିରେ ଅଣାଯିବ, କିନ୍ତୁ ଏହା ବ୍ୟତୀତ ଫିଲ୍ମକୁ ଆମେରିକାର କିଛି ପ୍ରେକ୍ଷାଳୟରେ ମଧ୍ୟ ରିଲିଜ୍ କରାଯିବ ।
ଖବର ଅନୁଯାୟୀ, ଜେମ୍ସ ବଣ୍ଡ ଏବଂ ମିଶନ ଇମ୍ପସିବଲ୍ ଅନୁଭବ ସହିତ ଏହା ପ୍ରସ୍ତୁତ କରାଯାଇଛି । ଏହା ଏକ ଗୁପ୍ତଚର ଫ୍ରାଞ୍ଚାଇଜ୍ ଫିଲ୍ମ ଯାହାକୁ ନିର୍ମାତା ଆହୁରି ଆଗକୁ ନେଇପାରିବେ । ଯଦି ଏହା ହିଟ୍ ହୋଇଯାଏ, ତେବେ ଗ୍ରେ ୟୁନିଭର୍ସର ଆହୁରି ଅନେକ ଫିଲ୍ମ ଦର୍ଶକ ଆଗାମୀ ସମୟରେ ଦେଖିାରିବେ । ଫିଲ୍ମର ସିନ୍ ଏବଂ ଏହାର ପୋଷ୍ଟର ଖୁବ୍ ଭାଇରାଲ ହେବାରେ ଲାଗିଛି । ଏହି ଫିଲ୍ମରେ ହଲିଉଡ ଷ୍ଟାର ରିଆନ ଗୋସଲିଙ୍ଗ, କ୍ରିସ ଇଭାନ୍ସ, ଆନା ଦେ ଅମାର୍ସ ଏବଂ ରେଗେ ଜନ୍ ପେଜ୍ ନଜର ଆସିବେ । ଫିଲ୍ମ ସମୀକ୍ଷା ବିଷୟରେ କହିବାକୁ ଗଲେ, ବର୍ତ୍ତମାନ ପର୍ଯ୍ୟନ୍ତ ସମସ୍ତେ ଫିଲ୍ମରେ ଧନୁଷଙ୍କ କାର୍ଯ୍ୟକୁ ପ୍ରଶଂସା କରିଛନ୍ତି, କିନ୍ତୁ ଫ୍ୟାନ୍ସ ଓଟିଟି ରେ ଫିଲ୍ମ ରିଲିଜକୁ ଅପେକ୍ଷା କରିଛନ୍ତି ।
