ଭିଜିଲାନ୍ସ ଜାଲରେ ବୌଦ୍ଧ ଆରଟିଓ, କୋଟି କୋଟି ଟଙ୍କାର ସମ୍ପତ୍ତି ଠାବ

ବୌଦ୍ଧ (ସଂକେତ ଟିଭି) : ଆୟ ବର୍ହିଭୁତ ସମ୍ପତ୍ତି ଠୁଳ ଅଭିଯୋଗରେ ବୌଦ୍ଧ ଆରଟିଓ ବସନ୍ତ କୁମାର ମହାପାତ୍ରଙ୍କ ଘରେ ଚଢଉ ଚାଲିଛି। ଭୁବନେଶ୍ବର, ବୌଦ୍ଧ ଓ ଗଞ୍ଜାମ ଜିଲ୍ଲା ବ୍ରହ୍ମପୁର , ଭଞ୍ଜନଗର ଏପରିକି ୧୦ଟି ସ୍ଥାନରେ ଚଢଉ ଚାଲିଛି। ଭଡା ଘର, ଅଫିସ୍ , ପୈତୃକ ଘରେ ମଧ୍ୟ ଭିଜିଲାନ୍ସ ବିଭାଗ ରେଡ୍ ଜାରି ରଖିଛି। ତେବେ ଏହି ଟିମରେ ଦୁଇ ଜଣ ଅତିରିକ୍ତ ଏସପି, ୬ଜଣ ଡିଏସପି, ୬ଜଣ ଇନ୍ସପେକ୍ଟର ସାମିଲ ରହିଛନ୍ତି।ବୌଦ୍ଧ ଆରଟିଓ ବସନ୍ତ କୁମାର ମହାପାତ୍ର

ଭୁବନେଶ୍ବର ପାହାଳସ୍ଥିତ ଉତ୍କଳ ସିଗନେଚରରେ ଥିବା ତୃତୀୟ ମହଲା ଘର, ଗୌତମନଗର ଉତ୍କଳ କନିକା ଗ୍ୟାଲେରିଆରେ ଥିବା ସର୍ପିଂ ମଲ୍ , କଳ୍ପନା, କଳାରାହାଙ୍ଗ , ଶୈଳଶ୍ରୀ ବିହାର ଏବଂ ମଞ୍ଚେଶ୍ବରରେ ଥିବା ଆର୍ପାଟମେଣ୍ଟର ଚଢଉ ଚାଲିଛି। ଏପରିକି ଗଞ୍ଜାମ ଭଞ୍ଜନଗରରେ ଥିବା ପୈତୃକ ଘର ଏବଂ ବ୍ରହ୍ମପୁର କମାପଲ୍ଲୀରେ ବି ଚଢଉ କରୁଛି ଭିଜିଲାନ୍ସ ଟିମ୍।

ତେବେ ଭିଜିଲାନ୍ସ ଚଢାଉ ସମୟରେ ବସନ୍ତ ମହାପାତ୍ରଙ୍କ ଭୁବନେଶ୍ବର ଉତ୍କଳ ଗାଲେରିଆରେ ଦୁଇଟି ଫ୍ଲାଟ, ଦୁଇଟି କମର୍ସିଆଲ ଦୋକାନ ରହିଛି । ସେହିପରି ଭୁବନେଶ୍ବରରେ ଦୁଇଟି ଏବଂ ବାଙ୍ଗାଲୁରୁରେ ଦୁଇଟି ଫ୍ଲାଟ କିଣିବା ପାଇଁ ପ୍ରାୟ ଅଢେଇ କୋଟି ଟଙ୍କା ଆଡଭାନ୍ସ ଦେଇଥିବା ଜଣାପଡିଛି ।

ବର୍ତ୍ତମାନ ପର୍ଯ୍ୟନ୍ତ ଭିଜିଲାନ୍ସ ଏହି ଚଢଉରେ ଠାବ କରିଥିବା ସମ୍ପତ୍ତିର ତାଲିକା

1) ଉତ୍କଳ ଦସ୍ତଖତ, ପାହଲା, ଭୁବନେଶ୍ୱରରେ ତୃତୀୟ ମହଲାରେ 3000 ବର୍ଗଫୁଟର ଫ୍ଲାଟ – ମୂଲ୍ୟ 1 କୋଟି

2) ଉତ୍କଳ କାନିକା ଗ୍ୟାଲେରିଆ ମଲ୍, ଗୌତମ ନାଗର, ଭୁବନେଶ୍ୱରରେ କମର୍ସିଆଲ ସପିଂ ଆଉଟଲେଟ୍ ନଂ 4 ଏବଂ 5 ପାଖାପାଖି 2500 ବର୍ଗଫୁଟ- ମୂଲ୍ୟ ପ୍ରାୟ 2 କୋଟି ଟଙ୍କା

3) ଉତ୍କଳ ରୟାଲ ରେସିଡେନ୍ସି, କଳ୍ପନା ଛକ, ଭୁବନେଶ୍ୱରରେ 3-BHK ଫ୍ଲାଟ – ମୂଲ୍ୟ 1 କୋଟି

4) ଜେଡ୍ -1 ଇଷ୍ଟେଟ୍, କାଲାରାହାଙ୍ଗା, ଭୁବନେଶ୍ୱରରେ 1776 ବର୍ଗଫୁଟ ଫ୍ଲାଟ କିଣିବା ପାଇଁ 1.5 କୋଟି ଟଙ୍କାର ଆଡଭାନ୍ସ ପ୍ରଦାନ

5) ବେଙ୍ଗାଲୁରୁ ସହରରେ ଓଜୋନ ଏଲିଗାଣ୍ଟରେ ଏକ ଫ୍ଲାଟ କିଣିବା ପାଇଁ 88 ଲକ୍ଷ ଟଙ୍କାର ଆଡଭାନ୍ସ ପ୍ରଦାନ

6) ନଗଦ ଟଙ୍କା 1,16,700 /

7) ବିଭିନ୍ନ ବ୍ୟାଙ୍କ ଆକାଉଣ୍ଟରେ କୋଟିଏ ଟଙ୍କା ମୂଲ୍ୟର ଫିକ୍ସଡ ଡିପୋଜିଟ୍ ରହିଛି । ବ୍ୟାଙ୍କ, ଡାକ, ବୀମା ଏବଂ ଅନ୍ୟାନ୍ୟ ଜମା ଯାଞ୍ଚ କରାଯାଉଛି।