କେଜରିଓ୍ବାଲଙ୍କ ଗିରଫଦାରୀ ଉପରେ ରୋକ ଲଗାଇବାକୁ ମନା କଲେ ହାଇକୋର୍ଟ
ନୂଆଦିଲ୍ଲୀ (ସଂକେତ ଟିଭି) : ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କ ଗିରଫଦାରୀ ଉପରେ ରୋକ ଲଗାଇବାକୁ ଦିଲ୍ଲୀ ହାଇକୋର୍ଟ ମନା କରି ଦେଇଛନ୍ତି। ଦୁଇ ସପ୍ତାହ ମଧ୍ୟରେ କୋର୍ଟ ଇଡିରୁ ଉତ୍ତର ମାଗିଛନ୍ତି। କେଜରିୱାଲଙ୍କ ଆବେଦନ ଉପରେ ହାଇକୋର୍ଟ ଏନଫୋର୍ସମେଣ୍ଟ ଡାଇରେକ୍ଟୋରେଟ (ଇଡି) ରୁ ଜବାବ ମାଗିଛନ୍ତି ଏବଂ କେଜରିୱାଲଙ୍କ ଆବେଦନକୁ ମୁଖ୍ୟ ଆବେଦନ ସହିତ ଟ୍ୟାଗ କରିଛନ୍ତି। ଆସନ୍ତା ଏପ୍ରିଲ ୨୨ରେ ଦିଲ୍ଲୀ ହାଇକୋର୍ଟ ଏହି ମାମଲାର ଶୁଣାଣି କରିବେ।
ସୂଚନା ଅନୁସାରେ , କେଜରିୱାଲ ଦିଲ୍ଲୀ ହାଇକୋର୍ଟରେ ଇଡି ର ସମନ ଜାରି ରଖିବା ଏବଂ ଗିରଫଦାରୀକୁ ଏଡ଼ାଇବା ପାଇଁ ଏକ ନୂତନ ଆବେଦନ କରିଛନ୍ତି। ଏହି ଆବେଦନ ଉପରେ ଶୁଣାଣି ସମୟରେ ଅତିରିକ୍ତ ସଲିସିଟର ଜେନେରାଲ ଏସ.ଭି ରାଜୁ, ଇଡି ପକ୍ଷରୁ ହାଜର ହୋଇଥିବାବେଳେ କୋର୍ଟଙ୍କୁ ଦଲିଲ ଦେବାବେଳେ କହିଥିଲେ ଯେ ଆମେ ଆପଣଙ୍କୁ କୋର୍ଟଙ୍କ ନିର୍ଦ୍ଦେଶରେ ଡକ୍ୟୁମେଣ୍ଟ ଦେଖାଉଛୁ। ଆବେଦନକାରୀମାନେ ଏଗୁଡିକ ଦାବି କରିବା ଉଚିତ ନୁହେଁ।
ଇଡି ଓକିଲ ଏଏଚଜି ରାଜୁ କହିଛନ୍ତି ଯେ ମୁଖ୍ୟମନ୍ତ୍ରୀଙ୍କ ଆବେଦନ ଶୁଣାଣି ହେବା ଉଚିତ ନୁହେଁ, ଗତକାଲି ପ୍ରଦାନ କରାଯାଇ ନ ଥିବା ରିଲିଫ ଏହି ଆବେଦନ କରାଯିବା ପରେ ଦିଆଯାଇପାରିବ ନାହିଁ। ଏହା ଉପରେ ହାଇକୋର୍ଟର ବିଚାରପତି କହିଛନ୍ତି ଯେ ବୁଧବାର ଏହି ମାମଲାରେ ତାରିଖ ଦିଆଯିବା ପରେ ହିଁ ଏହି ଆବେଦନ କରାଯାଇଛି। ଏଏସଜି କହିଛନ୍ତି ଯେ ଏହି ଆବେଦନ ଶୁଣାଣି ଯୋଗ୍ୟ ନୁହେଁ। ଯେତେବେଳେ କୌଣସି ଆବେଦନଳ ଶୁଣାଣି ଯୋଗ୍ୟ ନୁହେଁ ତେବେ ଆପଣ କୌଣସି ଆବେଦନ ଉପରେ ଶୁଣାଣି କରିପାରିବେ ନାହିଁ।
ଇଡି ହାଇକୋର୍ଟରେ କହିଛି ଯେ ଆମ ପାଖରେ ସମନ କରିବାର ଅଧିକାର ଅଛି। ସେମାନେ ଆମ ଡାକରାକୁ ଆସିବା ଏବଂ ଅନୁସନ୍ଧାନରେ ସହଯୋଗ କରିବା ଏବଂ ଆମର ପ୍ରଶ୍ନର ଉତ୍ତର ଦେବା ଉଚିତ୍। କେଜରିୱାଲଙ୍କ ଆବେଦନ ଉପରେ ଏଏସଜି ରାଜୁ ନିଜର ଉତ୍ତର ଦାଖଲ କରିବାକୁ ସମୟ ମାଗିଥିଲେ। ଏହି ଆବେଦନ ମୁଖ୍ୟ ଆବେଦନ ସହିତ ଶୁଣାଣି ହେବା ଉଚିତ। ଇଡି କହିଛନ୍ତି ଯେ ମୁଖ୍ୟମନ୍ତ୍ରୀ ଲୋକ ସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁନାହାଁନ୍ତି ତଥାପି ସେ ଆସୁନାହାଁନ୍ତି। ଏହା ଉପରେ ଦିଲ୍ଲୀ ହାଇକୋର୍ଟ କହିଛନ୍ତି କିନ୍ତୁ ସେ ଦଳର ସଭାପତି। ଇଡି କହିଛି ଯେ ଏହାର ଅର୍ଥ ନୁହେଁ ଯେ ସେ ସମନକୁ ପାଳନ କରିବେ ନାହିଁ।
