ଜଣେ ଜିଲ୍ଲାପାଳ ଓ ଦୁଇ ଜଣ ଏସପିଙ୍କୁ ବଦଳି କଲେ ନିର୍ବାଚନ କମିସନ
ଭୁବନେଶ୍ବର (ସଂକେତ ଟିଭି) : ଭାରତର ନିର୍ବାଚନ କମିଶନ ଓଡ଼ିଶାର ଜଣେ ଜିଲ୍ଲାପାଳ ଓ ୨ ଜଣ ଏସପିଙ୍କୁ ବଦଳି କରିବାକୁ ନିର୍ଦ୍ଦେଶ ଦେଇଛନ୍ତି। ଢେଙ୍କାନାଳ ଜିଲ୍ଲାପାଳ, କଟକ ଗ୍ରାମାଞ୍ଚଳ ଏସପି ଓ ଦେବଗଡ଼ ଏସପିଙ୍କୁ ବଦଳି କରିବାକୁ ନିର୍ଦ୍ଦେଶ ଦିଆଯାଇଛି। ଅଣ-କ୍ୟାଡର ଜିଲ୍ଲାପାଳ ଏବଂ ଏସପିଙ୍କୁ ମଧ୍ୟ ବଦଳି କରିବାକୁ ନିର୍ବାଚନ କମିସନ ନିର୍ଦ୍ଦେଶ ଦେଇଛନ୍ତି।
ନିର୍ବାଚନ ପୂର୍ବରୁ ଓଡ଼ିଶା ସମେତ ଗୁଜରାଟ, ପଞ୍ଜାବ ଏବଂ ପଶ୍ଚିମବଙ୍ଗରେ ଅଣକ୍ୟାଡର ଏସପି ଓ ଜିଲ୍ଲାପାଳଙ୍କୁ ବଦଳି କରିବାକୁ ନିର୍ଦ୍ଦେଶ ଦିଆଯାଇଛି। ୪ ରାଜ୍ୟର ମୋଟ ୫ ଜିଲ୍ଲାପାଳ, ୮ ଜଣ ଏସପି ଏବଂ ଏସଏସପିଙ୍କୁ ବଦଳି କରିବାକୁ ଭାରତର ନିର୍ବାଚନ କମିସନ ନିର୍ଦ୍ଦେଶ ଦେଇଛନ୍ତି।
ଲୋକସଭା ନିର୍ବାଚନକୁ ଦୃଷ୍ଟିରେ ରଖି ଆଜି ନିର୍ବାଚନ ଆୟୋଗ ଯେଉଁ ଅଣକ୍ୟାଡର ଅଧିକାରୀମାନେ ଜିଲ୍ଲା ମାଜିଷ୍ଟ୍ରେଟ୍ (ଡିଏମ୍) ଏବଂ ପୁଲିସ ସୁପରିଟେଣ୍ଡେଣ୍ଟ (ପୁଲିସ ଅଧୀକ୍ଷକ) ପଦବୀରେ ଅଛନ୍ତି ସେମାନଙ୍କ ବଦଳି ପାଇଁ ନିର୍ଦ୍ଦେଶ ଜାରି କରିଛନ୍ତି। ଦେଶର ଚାରୋଟି ରାଜ୍ୟକୁ ଏହି ନୋଟିସ୍ ପଠାଯାଇଛି।
