ପ୍ରକାଶ ପାଇଲା ICSE ଦଶମ ଓ ISE ଦ୍ବାଦଶ ଶ୍ରେଣୀ ପରୀକ୍ଷା ଫଳ

ଭୁବନେଶ୍ବର (ସଂକେତ ଟିଭି) : ଚଳିତବର୍ଷର ଭାରତୀୟ ବିଦ୍ୟାଳୟ ପ୍ରମାଣପତ୍ର ପରୀକ୍ଷା ପରିଷଦ ( CISCE) ଦ୍ବାରା ପରିଚାଳିତ ଦଶମ ( ICSE) ଓ ଦ୍ବାଦଶ (ISC) ପରୀକ୍ଷା ଫଳ ପ୍ରକାଶ ପାଇଛି । ତେବେ ଦଶମରେ ଝିଅଙ୍କ ବାଜିମାତ ହୋଇଥିବାବେଳେ ଦ୍ୱାଦଶରେ ବାଜିମାରିଛନ୍ତି ପୁ୍ଅ । ଦଶମରେ ୯୯.୦୮% ଛାତ୍ରଛାତ୍ରୀ ପାସ୍ କରିଥିବା ବେଳେ ଦ୍ୱାଦଶରେ ୯୮.୯୦% ଛାତ୍ରଛାତ୍ରୀ ପାସ୍ କରିଛନ୍ତି।

ଦ୍ବାଦଶ ପାସ୍ ହାର 98.19 ପ୍ରତିଶତ ରହିଥିବା ବେଳେ ଦଶମରେ ପାସ୍ ହାର 99.47 ପ୍ରତିଶତ ରହିଛି । ଦିନ ୧୧ଟାରେ ପରୀକ୍ଷା ଫଳ ବାହାରି ସାରିଥିବା ବେଳେ ଛାତ୍ରଛାତ୍ରୀମାନେ results.cisce.org. ଏବଂ cisce.org ଓ୍ବେବସାଇଟକୁ ଯାଇ ରେଜଲ୍ଟ ଦେଖିପାରିବେ । ଦ୍ବାଦଶରେ ପାସ୍ ହାର 98.19 ପ୍ରତିଶତ: ଚଳିତ ବର୍ଷ ଆଇଏସସି ଦ୍ବାଦଶ ପରୀକ୍ଷା ଫେବୃଆରୀ 12 ତାରିଖରୁ ଆରମ୍ଭ ହୋଇ ଏପ୍ରିଲ 3 ତାରିଖ ପର୍ଯ୍ୟନ୍ତ ଚାଲିଥିଲା । ପ୍ରାୟ 1 ଲକ୍ଷ ଛାତ୍ରଛାତ୍ରୀ ପରୀକ୍ଷା ଦେଇଥିଲେ । ଏମାନଙ୍କ ମଧ୍ୟରୁ 52 ହଜାରରୁ ଅଧିକ ପୁଅ ଏବଂ 47 ହଜାରରୁ ଅଧିକ ଛାତ୍ରୀ ରହିଥିଲେ । ଚଳିତ ବର୍ଷ ଦ୍ୱାଦଶ ଶ୍ରେଣୀର ପାସ୍ ହାର 98.19 ପ୍ରତିଶତ ରହିଛି । ଚଳିତ ବର୍ଷ ଛାତ୍ରଙ୍କଠାରୁ ଭଲ ପ୍ରଦର୍ଶନ କରିଛନ୍ତି ଛାତ୍ରୀ । ISC ଫଳାଫଳ ଅନୁଯାୟୀ ଛାତ୍ରୀମାନଙ୍କର ପାସ୍ ହାର 98.92 ପ୍ରତିଶତ ରହିଛି । ଅନ୍ୟପଟେ ପୁଅମାନଙ୍କର ପାସ୍ ହାର 97.53 ପ୍ରତିଶତ ରହିଛି । ଦ୍ବାଦଶ ମାର୍କସିଟ୍ ଡାଉନଲୋଡ କରିବା ପାଇଁ ଛାତ୍ରଛାତ୍ରୀମାନଙ୍କୁ ସେମାନଙ୍କର ୟୁଜର ଆଇଡି, ଇଣ୍ଡେକ୍ସ ନମ୍ବର ଏବଂ କ୍ୟାପଚା କୋର୍ଡ ପ୍ରବେଶ କରିବାକୁ ପଡିବ । 10ରେ ପାସ୍ ହାର 99.47 ପ୍ରତିଶତ: ଚଳିତ ବର୍ଷ 2ଲକ୍ଷ 43 ହଜାର 617 ଜଣ ଛାତ୍ରଛାତ୍ରୀ ଦଶମ ପରୀକ୍ଷା ଦେଇଥିଲେ । ତେବେ ଛାତ୍ରୀମାନଙ୍କର ପାସ୍ ହାର 99.65 ପ୍ରତିଶତ ହୋଇଥିବା ବେଳେ ଛାତ୍ରମାନଙ୍କ ଠାରୁ ବାଜି ମାରି ନେଇଛତନ୍ତି । ଛାତ୍ରମାନଙ୍କ ପାସ୍ ହାର 99.31 ପ୍ରତିଶତ ରହିଛି । ଆଇସିଏସଇ ଦଶମ ପରୀକ୍ଷା ଫଳ ଫେବୃଆରୀ 21ରୁ 28 ପର୍ଯ୍ୟନ୍ତ ହୋଇଥିବା ବେଳେ ଫେବୃଆରୀ 12 ରୁ ଏପ୍ରିଲ 2 ପର୍ଯ୍ୟନ୍ତ ଦ୍ବାଦଶ ପରୀକ୍ଷା ହୋଇଥିଲା । ଦୀର୍ଘ ସମୟର ପ୍ରତିକ୍ଷା ପରେ ରେଜଲ୍ଟ ପ୍ରକାଶ ପାଇଛି । ପରୀକ୍ଷା ଫଳରେ ସନ୍ତୁଷ୍ଟ ନଥିଲେ ଆସନ୍ତା 10 ତାରିଖ ମଧ୍ୟରେ ରିଚେକିଂ ପାଇଁ ଆବେଦନ କରିପାରିବେ । 4 ସପ୍ତାହ ମଧ୍ୟରେ ରିଚେକ୍ଟି ରେଜଲ୍ଟ ପ୍ରକାଶ ପାଇବ ।